s Kur do të mund të udhëtojnë kosovarët pa viza, bazuar në shembullin e Ukrainës? | www.Zemra.Org

Kur do të mund të udhëtojnë kosovarët pa viza, bazuar në shembullin e Ukrainës?

“Vizat liberalizohen këtë vit”, “vizat hiqen në pranverë” … togfjalësha të kësaj natyre janë dëgjuar shpesh viteve të fundit nga elita politike në Kosovë. Por, kur në fakt do të mund të udhëtojnë qytetarët e Kosovës pa viza në zonën Schengen të Bashkimit Evropian?

Procedura për secilin shtet dallon, ajo varet edhe nga raportet ekzistuese brenda Bashkimit Evropian në një periudhë të caktuar kohore. Por, janë disa hapa të pashmangshëm që vlejnë për cilindo vend që nuk është anëtar i Bashkimit Evropian, e që synon të liberalizohet nga regjimi i vizave, transmeton REL.

Një nga shembujt më të fundit të liberalizimit të vizave për një vend jo-anëtar të BE-së është Ukraina.

Nëpër cilat procedura është dashur të kalojë Ukraina dhe në çfarë periudhe kohore?

10 maj 2016
Grupi punues për liberalizimin e vizave mban takim për Ukrainën, Gjeorgjinë dhe Kosovën. [Kosova mbeti jashtë nga ky grup për shkak të rekomandimit që përfshiu dy kritere shtesë: demarkacionin e kufirit me Malin e Zi dhe arritjen e rezultateve në luftën kundër krimit të organizuar dhe korrupsionit].

26 shtator 2016
Komiteti për liritë qytetare, drejtësi dhe çështje të brendshme [LIBE] i Parlamentit Evropian voton për fillimin e bisedimeve me vendet anëtare të BE-së, në mënyrë që Ukrainës t’i liberalizohen vizat [votimi për Kosovën është bërë më 30 gusht, 2018].

25 tetor 2016
Parlamenti evropian voton për fillimin e bisedimeve për liberalizimin e vizave për Ukrainën [votimi për Kosovën është bërë më 13 shtator, 2018].

27 tetor 2016
Grupi punues për liberalizimin e vizave mban diskutimet e para në kuadër të Këshillit Evropian [takimi për Kosovën më 17 shtator]

17 nëntor 2016
Ambasadorët e Bashkimit Evropian në Këshillin Evropian i japin dritën e gjelbër mandatit negociues për liberalizimin e vizave për Ukrainën [një nga vendimet më të rëndësishme në procesin e liberalizimit].

28 shkurt 2017
Takimi trepalësh ndërmjet Parlamentit Evropian, Këshillit Evropian dhe Komisionit Evropian për liberalizimin e vizave për Ukrainën.

2 mars 2017
Ambasadorët e BE-së miratojnë marrëveshjen e arritur gjatë takimit trepalësh.

9 mars 2017
Komiteti për liritë qytetare, drejtësi dhe çështje të brendshme [LIBE] i Parlamentit Evropian voton për liberalizimin e vizave për Ukrainën.

6 prill 2017
Parlamenti Evropian voton për liberalizimin e vizave për Ukrainën.

26 prill 2017
Ambasadorët e Bashkimit Evropian miratojnë liberalizimin e vizave për Ukrainën.

11 maj 2017
Ministrat e vendeve anëtare të Bashkimit Evropian miratojnë liberalizimin e vizave për Ukrainën.

17 maj 2017
Akti ligjor që miraton liberalizimin e vizave nënshkruhet në Parlamentin Evropian nga përfaqësues të Këshillit, vetë Parlamentit dhe Komisionit Evropian.

22 maj 2017
Akti ligjor publikohet në gazetën zyrtare të Bashkimit Evropian. Secili akt i tillë, hyn në fuqi 20 ditë pas publikimit në gazetën zyrtare.

11 qershor 2017
Ukrainasit udhëtojnë pa viza në Bashkimin Evropian.?

Shënim: Ky kalendar kohor është realizuar vetëm për të pasqyruar procedurën nëpër të cilin kalon çdo vend kandidat për liberalizim vizash dhe jo domosdoshmërisht përcakton afatin kohor për Kosovën.


Bëje LIKE dhe merr lajmin e fundit nga Zemra.org

Komenti juaj:

VEREJTJE: Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet, ne te kundert, komenti nuk do te publikohet. Ju falenderojme qe na ndiqni dhe ju ftojme te vazhdoni te jeni pjese e Zemra.Org!

*
*

This site uses Akismet to reduce spam. Learn how your comment data is processed.