Polici kërcënon gazetaren e Klan Kosova

Asociacioni i Gazetarëve Profesionist të Kosovës me shqetësim ka marrë lajmin se një polic i Republikës së Kosovës ka kërcënuar gazetaren e Klan Kosovës, Iliri Pireva.

“Zyrtari policor nga Rajoni i Prishtinës, ka kërcënuar sot (e shtunë) gazetaren Pireva se do të ketë pasoja nëse ajo guxon të shfaqë në televizor pamjen ku shihet edhe polici. Po ashtu duke marrë guxim nga sjellja e policit, në të njëjtën formë gazetaren e ka kërcënuar edhe një pylltar”, thuhet në një kumtesë të AGPK.

Bëhet e ditur se Iliri Pireva bashkë me kameramanin Veton Ethemi kanë qenë duke e trajtuar një temë që kishte të bënte me konfiskimin e drurëve nga prerësit ilegalë.

AGKP i ka bërë thirrje Inspektoratit të Policisë së Kosovës të marr masa të menjëhershme ndaj policit i cili guxon pa asnjë të drejtë të pengojë dhe të kërcënojë gazetarët që janë në krye të detyrës. Po ashtu, AGPK kërkon nga përgjegjësit që ta marrin me seriozitet sjelljen e pylltarit ndaj gazetares së Klan Kosova.


Bëje LIKE dhe merr lajmin e fundit nga Zemra.org

Tags: , , , , , , , ,

Komenti juaj:

VEREJTJE: Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet, ne te kundert, komenti nuk do te publikohet. Ju falenderojme qe na ndiqni dhe ju ftojme te vazhdoni te jeni pjese e Zemra.Org!

*
*

This site uses Akismet to reduce spam. Learn how your comment data is processed.