s Superhajduti nga Maqedonia ka vjedhur 138 vetura në Austri | www.Zemra.Org

Superhajduti nga Maqedonia ka vjedhur 138 vetura në Austri

Policia austriake ka arrestuar një shtetas të Maqedonisë i cili është i denjë për rekord negativ Ginesi – brenda dy viteve ai ka vjedhur 138 vetura në qytete të ndryshme të Austrisë.

Mediat në Vjenë kanë konstatuar se bëhet fjalë për një aksion të suksesshëm policor, duke e përshkruar kriminelin nga Maqedonia si “peshk i madh”, transmeton edicioni elektronik i gazetës “Lajm”.

“Policia austriake, ka arkëtuar në konto, një peshk relativisht të madh: Autoritetet policore austriake, tanimë kanë arrestuar një hajdut  profesional makinash – një shetaas maqedonas i cili ka vjedhur 138 vetura. Sipas autoriteteve, ai ë shënjestër ka patur kryesisht markat gjermane të makinave”, shkruan një e përditshme vjeneze, duke informuar për rastin në fjalë.

Dyshohet se bëhet fjalë për anëtar të një bande ndërkombëtare. Përfaqësuesit e autoriteteve policore austriake ishin të kujdesshëm gjatë shpalosjes së hollësive rreth rastit në fjalë.

Vjedhjet e ‘superhajdutit’ dyshohet të jenë realizuar gjatë dy viteve të fundit.  “Dëmi i shkaktuar nga vjedhjet duhet te jetë shumë i lartë “, ka thënë Roman  Hahslinger, zëdhënës i policisë austriake të Vjenës.

Sipas statistikave të autoriteteve policore, grupet e kriminale përbëhen kryesisht nga shtetas serbë, hungarezë, polakë, lituanezë dhe Çekë, ku përfundojnë makinat, e vjedhura.


Bëje LIKE dhe merr lajmin e fundit nga Zemra.org

Tags: , , , ,

Komenti juaj:

VEREJTJE: Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet, ne te kundert, komenti nuk do te publikohet. Ju falenderojme qe na ndiqni dhe ju ftojme te vazhdoni te jeni pjese e Zemra.Org!

*
*

This site uses Akismet to reduce spam. Learn how your comment data is processed.